ຫ້ອງວ່າການລັດຖະບານ ໄດ້ອອກແຈ້ງການເຖິງບັນດາດາລັດຖະມົນຕີວ່າການ, ຫົວໜ້າອົງການທຽບເທົ່າ ອ້ອມຂ້າງສູນກາງ, ທ່ານເຈົ້າຄອງນະຄອນຫລວງວຽງຈັນ ແລະ ບັນດາທ່ານເຈົ້າແຂວງ ຕະຫລອດເຖິງອຳ ນາດການປົກຄອງທ້ອງຖິ່ນ ໃນຂອບເຂດທົ່ວປະເທດ ໃຫ້ພ້ອມກັນດຳເນີນການສະເຫລີມສະຫລອງວັນຊາດທີ 2 ທັນວາ ຄົບ ຮອບ 37 ປີ (2/12/1975-2/21/ 2012) ໃຫ້ມີບັນຍາກາດຟົດຟື້ນປະຕິວັດ, ເຕັມໄປດ້ວຍເນື້ອໃນ ແລະ ມີຄວາມໝາຍເລິກເຊິ່ງ, ທັງຮັບປະກັນຄວາມສະຫງົບປອດໄພ ມີຄວາມເປັນລະບຽບຮຽບຮ້ອຍ ໂດຍຖືເອົາເນື້ອໃນສຳຄັນໃນການປຸກລະດົມຂະບວນການເຄື່ອນໄຫວ ປະຕິບັດໜ້າທີ່ວຽກງານຕ່າງໆຂອງຂະແໜງການ ແລະ ທ້ອງຖິ່ນໃຫ້ແຂງແຮງກວ່າເກົ່າ.
ຫ້ອງວ່າການລັດຖະບານ ໄດ້ເນັ້ນໃຫ້ບັນດາກະຊວງ, ອົງ ການ, ນະຄອນຫລວງ ແລະ ບັນ ດາແຂວງ ໃນທົ່ວປະເທດ ເອົາໃຈໃສ່ສຶກສາອົບຮົມ ມູນເຊື້ອວັນ ຊາດທີ 2 ທັນວາ ຕິດພັນກັບກິດ ຈະກຳທີ່ຈຳເປັນ ແລະ ມີເງື່ອນໄຂຢູ່ໃນແຕ່ລະບ່ອນ ເຊັ່ນ: ການຈັດ ຕັ້ງເຜີຍແຜ່ຮ່ຳຮຽນມູນເຊື້ອ ແລະ ຄວາມໝາຍສຳຄັນຂອງວັນປະຫວັດສາດດັ່ງກ່າວ ໃຫ້ພະນັກງານ, ສະມາຊິກພັກ, ປະຊາຊົນ ແລະ ຊັ້ນຄົນຕ່າງໆ ໄດ້ຮັບຮູ້ເຊື່ອມຊຶມຢ່າງເລິກເຊິ່ງ ຕິດພັນກັບການສະຫລຸບຕີລາຄາ ສະ ພາບການເຄື່ອນໄຫວປະຕິບັດວຽກງານໃນ 1 ປີຜ່ານມາ ຂອງຂະແໜງການ ແລະ ທ້ອງຖິ່ນ ພ້ອມທັງວາງທິດທາງແຜນການເຄື່ອນໄຫວວຽກງານໃນຕໍ່ໜ້າ. ສ້າງຂະບວນການເຄື່ນອໄຫວລວມກັບທີ່ ເຊັ່ນ: ການອອກແຮງ ງານອະນາໄມລວມໃນຕົວເມືອງ ແລະ ສະຖານທີ່ສາທາລະນະໃຫ້ມີຄວາມເປັນລະບຽບສວຍງາມ; ຈັດຕັ້ງໃຫ້ການນຳພັກ-ລັດຂັ້ນ ຕ່າງໆ, ລວມທັງອົງການຈັດຕັ້ງ ຊາວໜຸ່ມ, ເຍົາ ວະຊົນ, ແມ່ຍິງ ໄປວາງພວງມາລາ ຫລື ກະຕ່າດອກໄມ້ ຢູ່ອະນຸສາວະລີນັກຮົບນິລະ ນາມ, ອະນຸສອນສະຖານ ປະ ທານ ໄກສອນ ພົມວິຫານ ແລະ ເຂົ້າຊົມສະຖານດັ່ງກ່າວ ຊອກຮູ້ປະຫວັດສາດໃຫ້ຄົນລຸ້ນຫລັງ.
ສຳລັບຂະແໜງຖະແຫລງ ຂ່າວ, ວັດທະນະທຳ ແລະ ທ່ອງທ່ຽວ, ຄະໂຄສະນາອົບຮົມຕ່າງໆ ໃຫ້ເອົາໃຈໃສ່ໂຄສະນາເຜີຍແຜ່ມູນເຊື້ອ, ພາລະກຳປະຫວັດສາດຂອງພັກ, ຜົນສຳເລັດຂອງການປົກປັກຮັກສາ ແລະ ສ້າງສາພັດ ທະນາປະເທດຊາດ ຕະຫລອດໄລຍະ 37 ປີຜ່ານມາ ໂດຍຜ່ານສື່ມວນຊົນ ຫລື ໂຄສະນາທາງປາກເປົ່າຕາມຄວາມເໝະສົມ. ໃຫ້ມີການປັກທຸງຊາດຕາມສຳນັກ ງານອົງການຕ່າງໆ ແລະ ເຮືອນປະຊາຊົນຕາມຄວາມເໝາະສົມ ແລະ ກຳນົດເອົາວັນຈັນທີ 3 ທັນ ວາ 2012 ເປັນວັນພັກທົດແທນ.
No comments:
Post a Comment