ເມື່ອວັນທີ 25 ພະຈິກ 2012 ຜ່ານມາ, ທ່ານພັນເອກ ເລກວາງດານ, ຫົວໜ້າໜ່ວຍປ້ອງກັນຕໍ່ ຕ້ານອາສະຍາກຳຢາເສບຕິດ ທະຫານຊາຍແດນ ແຂວງດຽນບຽນ (ສສ.ຫວຽດນາມ) ໃຫ້ຮູ້ວ່າ ກຳລັງ ເຈົ້າໜ້າທີ່ປ້ອງກັນ ຕໍ່ຕ້ານອາສະຍາກຳຢາເສບຕິດ ດ່ານ ຊາຍແດນປາເທີມ ໄດ້ປະສານສົມທົບກັບທະຫານ ຊາຍແດນ ແຂວງດຽນບຽນ,ໄດ້ຢຶດຢາເສບ ຕິດ(ເຮໂຣອິນ)ຈຳນວນ 12 ແທ່ງ.ເນື່ອງຈາກເປັນເວລາກາງຄືນ, ກຸ່ມຄ້າຢາເສບຕິດຈິ່ງໄດ້ເອົາຕົວຫລົບໜີຂ້າມຊາຍແດນພາຍຫລັງຈາກການປະທະດ້ວຍອາວຸດກັບເຈົ້າໜ້າທີ່ຢ່າງດຸເດືອດ.
ເມື່ອປະມານ 10 ໂມງກາງ ຄືນ ຂອງ ວັນດຽວກັນ, ກຳລັງ ເຈົ້າໜ້າທີ່ປ້ອງກັນຕໍ່ຕ້ານອາສະຍາກຳຢາເສບຕິດທະຫານຊາຍແດນແຂວງ ດຽນບຽນ ໄດ້ປາ ກົດເຫັນຄົນກຸ່ມໜຶ່ງທີ່ຕ້ອງສົງໃສ ໄດ້ລັກລອບຂ້າມຊາຍ ແດນເຂົ້າ ມາແບບຜິດກົດໝາຍ, ຈາກນັ້ນເຈົ້າໜ້າທີ່ໄດ້ຂາຍຫຍາຍກຳລັງຢ່າງໄວວາເພື່ອປິດລ້ອມທຳການ ຈັບກຸມ. ແຕ່ເນື່ອງຈາກກຸ່ມຄົນຮ້າຍໄດ້ຮູ້ຕົວກ່ອນ,ສະນັ້ນຈິ່ງໄດ້ໃຊ້ປືນຍິງຕໍ່ສູ້ກັບເຈົ້າໜ້າທີ່ຢ່າງດຸເດືອດ ກ່ອນ ຈະເອົາຕົວຫລົບໜີຂ້າມຊາຍແດນໄປ.
ຈາກນັ້ນ ເຈົ້າໜ້າທີ່ໄດ້ເຂົ້າກວດກາພື້ນທີ່ພ້ອມຢຶດເຮໂຣອິນ ໄດ້ 12 ແທ່ງ, ນ້ຳໜັກ 3 ກິໂລ ກຣາມ. ພ້ອມດຽວກັນ, ທະຫານຊາຍແດນ ແຂວງດຽນບຽນກໍໄດ້ທຳການປະສານສົມທົບກັບກຳລັງເຈົ້າ ໜ້າທີ່ຝ່າຍລາວ ເພື່ອທຳການສືບສວນ ແລະ ທຳການຈັບກຸມຜູ້ຕ້ອງຫາເຫລົ່ານີ້ເພື່ອມາລົງໂທດຕໍ່ໄປ.
No comments:
Post a Comment