ກົມສິລະປະການສະແດງ. ກະຊວງຖະແຫລງຂ່າວ, ວັດທະ ນະທຳ ແລະ ທ່ອງທ່ຽວຮ່ວມ ກັບ ສະຖານເອກອັກຄະລັດຖະທູດ ແຫ່ງສາທາລະລັດອິນໂດເນເຊຍປະຈຳລາວໄດ້ຈັດງານສະແດງ ສິລະປະຮ່ວມ ເພື່ອເສີມຂະ ຫຍາຍສາຍພົວພັນທາງການທູດ ລະຫວ່າງລາວ-ອິນໂດເນເຊຍຄົບ ຮອບ 55 ປີຂຶ້ນ ໃນວັນທີ 29 ພະຈິກ 2012 ຢູ່ທີ່ຫໍວັດທະນະທຳ ແຫ່ງຊາດ ໂດຍການໃຫ້ກຽດ ເຂົ້າຮ່ວມຂອງທ່ານ ດຣ ທອງ ລຸນ ສີສຸລິດ ຮອງນາຍົກລັດຖະ ມົນຕີ, ລັດຖະມົນຕີວ່າການກະ ຊວງການຕ່າງປະເທດ, ທ່ານ ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສ ອິນໂດເນເຊຍປະຈຳລາວ, ມີບັນດາລັດຖະ ມົນຕີຊ່ວຍວ່າການພ້ອມດ້ວຍພະ ນັກງານທີ່ກ່ຽວຂ້ອງເຂົ້າຮ່ວມ.
ການສະແດງສິລະປະໃນຄັ້ງນີ້ປະກອບມີ 11 ລາຍການໃນນັ້ນສິລະປະຈາກອິນໂດເນເຊຍມີ 5 ລາຍການຊຶ່ງປະກອບດ້ວຍຟ້ອນເລັງກັງກັນດຸງ, ຕາຕຽນຈາກກາລີມັນຕາ, ຟ້ອນເກີມບັງ ໂທເບັງຈາກຈາກາຕາ, ຟ້ອນກາເລັນເຢັກຈາກມິງກາບູ ແລະ ຟ້ອນລາເຕິກ ຊາມັນ ຈາກາຕາໂກຼ; ສຳລັບສິລະປະຂອງລາວແມ່ນການຟ້ອນບຸນເກຼີ, ຟ້ອນຊົມແສງອາລຸນ, ເພງຮ້ອງຈຳເມືອງລາວ, ຟ້ອນສາວໄໝ, ເພງຮ້ອງແດນແຫ່ງອິດສະຫລະຊຶ່ງບັນ ຍາກາດເຕັມໄປດ້ວຍຄວາມມ່ວນຊື່ນ ແລະ ເຕັມໄປດ້ວຍບັນຍາກາດອັນຟົດຟື້ນ ແລະ ຄວາມສະ ໜິດສະໜົມກັນລະຫວ່າງນັກສິລະປະຂອງສອງປະເທດ.
No comments:
Post a Comment