ໃນໂອກາດທີ່ທ່ານ ນາງ ອີເດລກາດ ບູລມານ ສະມາຊິກລັດ ຖະສະພາສະຫະພັນເຢຍລະມັນ ໄດ້ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວແຕ່ວັນທີ 30 ພະຈິກ ຫາ 2 ທັນວາ 2012 ນີ້ ທ່ານໄດ້ນຳເອົາອຸປະກອນໄອທີ ປະກອບດ້ວຍຄອມພີວເຕີຕັ້ງໂຕະຈຳນວນ 20 ໜ່ວຍ, ແລບທອບຈຳນວນ 7 ໜ່ວຍ ແລະ ກະດານເອເລັກໂຕນິກ 2 ໜ່ວຍມູນຄ່າ 237 ລ້ານກີບ ແລະ ເງິນຊ່ວຍເຫລືອຈຳນວນ 2.3 ຕື້ກີບ ເພື່ອນຳໃຊ້ເຂົ້າໃນການເສີມສ້າງຄວາມອາດສາມາດໃຫ້ແກ່ສະພາແຫ່ງຊາດທີ່ເປັນອົງປະກອບຕົ້ນຕໍໃນການຮ່ວມມືຂອງເຢຍລະມັນກັບ ສປປ ລາວ.
ພິທີມອບ-ຮັບອຸປະກອນ ແລະ ເງິນດັ່ງກ່າວໄດ້ຈັດຂຶ້ນໃນວັນທີ 30 ພະຈິກ 2012 ນີ້ທີ່ສະພາແຫ່ງຊາດກ່າວມອບໂດຍທ່ານ ນາງ ອີເດລກາດ ບູລມານ ສະມາ ຊິກລັດຖະສະພາ ສະຫະພັນເຢຍ ລະມັນ ແລະ ກ່າວຮັບໂດຍ ທ່ານ ດຣ ອຸ່ນແກ້ວ ວຸທິລາດ ຫົວໜ້າຫ້ອງວ່າການສະພາແຫ່ງຊາດ, ທ່ານ ໂຣເບີດ ໂຟນ ຣີມຊາ ເອກອັກຄະລັດຖະທູດວິສາມັນຜູ້ມີອຳ ນາດເຕັມແຫ່ງ ສ ເຢຍລະມັນປະຈຳ ລາວ, ມີບັນດາທ່ານ ສສຊ ແລະ ພະນັກງານທີ່ກ່ຽວຂ້ອງເຂົ້າຮ່ວມ.
No comments:
Post a Comment