ເນື່ອງໃນໂອກາດ ວັນສະ ຖາປານາ ສາທາລະນະລັດປະຊາ ທິປະໄຕ ປະຊາຊົນລາວ ຄົບ ຮອບ 37 ປີ(02/12/1975-02/12/2012), ບັນດາຜູ້ ນຳພັກ-ລັດ ຂອງສປປ ລາວ ນຳໂດຍ ທ່ານ ຈູມມາລີ ໄຊຍະສອນ ເລຂາທິການໃຫຍ່ຄະນະບໍລິຫານງານສູນກາງພັກ ປະຊາຊົນປະຕິວັດລາວ, ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນ ລາວ, ທ່ານ ນາງ ປານີ ຢາທໍ່ຕູ້ ປະທານ ສະພາແຫ່ງຊາດ, ທ່ານ ທອງສິງ ທຳມະວົງ ນາຍົກລັດຖະມົນຕີ, ບັນດາຄະນະກົມການເມືອງສູນ ກາງພັກ ແລະ ຄະນະລັດຖະບານ, ຄະນະນຳສະພາແຫ່ງຊາດ, ຄະນະນຳກະ ຊວງປ້ອງກັນປະເທດ, ຄະນະນຳກະຊວງປ້ອງກັນຄວາມສະຫງົບ, ຄະນະນຳນະຄອນຫລວງວຽງຈັນ, ອົງການຈັດຕັ້ງມະຫາຊົນ ໄດ້ເຂົ້າວາງພວງມະລາ ຢູ່ຕໍ່ໜ້າອານຸສາວະລີນັກຮົບນິລະນາມ ໃນຕອນເຊົ້າວັນທີ 30 ພະຈິກ 2012.
ການວາງພວງມະລາຄັ້ງນີ້ ກໍເພື່ອເປັນການສະແດງເຖິງຄວາມເຄົາລົບຮັກ,ຄວາມກະຕັນ ຍູຮູ້ບຸນຄຸນເຖິງຄຸນງາມຄວາມດີ ແລະ ນ້ຳໃຈຕໍ່ສູ້ຢ່າງພິລະອາດຫານ ແລະ ບໍ່ຍອມຈຳນົນ ຂອງບັນພະບູລຸດລາວກໍຄືບັນດານັກ ຮົບປະຕິວັດ ທີ່ເສຍສະຫລະຊີວິດ ເລືອດເນື້ອເພື່ອປະເທດຊາດ ແລະ ປະຊາຊົນ ຢ່າງອົງອາດກ້າຫານ ຈົນໄດ້ ຮັບໄຊຊະນະ ແລະ ປະ ກາດເອກະລາດ ແລະ ສະຖາປະ ນາເປັນ ສາທາລະນະລັດປະຊາທິ ປະໄຕ ປະຊາຊົນລາວ ໃນວັນທີ 2 ທັນວາ 1975, ຊຶ່ງຄຸນງາມຄວາມ ດີ ແລະ ຜົນງານອັນໃຫຍ່ຫລວງດັ່ງກ່າວ ໄດ້ຖືກຈາລຶກໄວ້ໃນຊີ ວິດຈິດໃຈຂອງທົ່ວປວງຊົນລາວທັງຊາດຕະຫລອດໄປ.
ໃນຕອນເຊົ້າຂອງວັນດຽວ ກັນ ພາຍຫລັງສຳເລັດ ວາງພວງ ມາລາ ຢູ່ອານຸສາວະລີນັກຮົບນີ ລະ ນາມ ແລ້ວບັນດາ ຄະນະກໍ ສືບຕໍ່ໄປວາງກະຕ່າດອກ ໄມ້ ຢູ່ ຕໍ່ໜ້າຮູບປັ້ນ ປະທານໄກສອນ ພົມວິຫານ ຫລັກ 6.
No comments:
Post a Comment