ໃນວັນທີ 28 ພະຈິກ 2012, ກົງກັບມື້ຂຶ້ນ 15 ຄ່ຳເດືອນ 12 ເພັງ ພສ. 2555 (ເດືອນ ລາວ) ເຊິ່ງເປັນມື້ສຸດທ້າຍ ຂອງງານບຸນນະ ມັດສະ ການພະທາດຫລວງ ໃນຕອນເຊົ້າ ບັນດາຜູ້ນຳ ພັກ-ລັດ ເຊິ່ງມີທ່ານຈູມມາລີ ໄຊຍະສອນ. ເລຂາທິການໃຫຍ່,ປະທານປະ ເທດແຫ່ງ ສປປ ລາວ, ທ່ານ ບຸນ ຍັງວໍລະຈິດ ຮອງປະທານປະ ເທດ ແຫ່ງ ສປປ ລາວ, ທ່ານ ທອງສິງ ທຳມະວົງ ນາຍົກລັດຖະມົນຕີ ໄດ້ຮ່ວມກັບບັນດາທ່ານ ໃນຄະນະກົມການເມືອງສູນກາງ ພັກ, ກຳມະການສູນກາງພັກ, ບັນ ດາທ່ານໃນຄະນະລັດຖະບານ , ເຈົ້າຄອງນະຄອນຫລວງ,ຮອງ ເຈົ້າຄອງ, ບັນດາພະນັກງານ, ທະຫານ, ຕຳຫລວດ ຕະຫລອດ ຮອດປະຊາຊົນ ແລະ ຊາວພຸດທະ ສາສະນິກະຊົນ ທີ່ມາຈາກເຂດແຂວງທົ່ວປະເທດ ກໍຄື ນະຄອນ ຫລວງວຽງຈັນ ຫລາຍໝື່ນຄົນ ໄດ້ທຳພິທີໃສ່ບາດຖວາຍສັງຄະ ທານແດ່ພະພິຂຸສົງຈຳນວນຫລາຍ
ກວ່າ5.000 ອົງພ້ອມທັງ ຟັງທຳມະເທສະໜາ ຕາມຮີດ ຄອງປະເພນີອັນດີງາມ ທີ່ມີມາ ແຕ່ດຶກດຳບັນ ທັງເປັນການລະ ນຶກເຖິງຄຸນງາມ ຄວາມດີ ແລະ ອຸທິດບຸນກຸສົນແດ່ພະເຈົ້າໄຊຍະ ເສດຖາທິຣາດ ເຊິ່ງ ເປັນຜູ້ກໍ່ສ້າງ ແລະ ປະຕິສັງຂອນພະທາດ ຫລວງ. ຕອນບ່າຍຂອງວັນດຽວກັນ ກໍໄດ້ ມີການແຂ່ງຂັນກິລາຕີຄີພື້ນ ເມືອງລາວທີ່ເດີ່ນພະທາດຫລວງ ລະຫວ່າງທີມ ຂອງອຳນາດການ ປົກຄອງ-ພະນັກງານແລະທີມ ຂອງປະຊາຊົນ, ສ່ວນຕອນຄ່ຳ ກໍ ມີການວຽນທຽນ ຈູດບັ້ງໄຟດອກບູຊາພະທາດຫລວງ ແລະ ຄົບງັນຕາມປະເພນີ.
No comments:
Post a Comment