ຄະນະພັດທະນາຊົນນະບົດ ແລະ ລຶບລ້າງຄວາມທຸກຍາກຂັ້ນສູນກາງ ໃຫ້ຮູ້ວ່າ: ໃນສົກປີ 2011-2012, ການພົວພັນຮ່ວມມື ແລະ ຍາດແຍ່ງການຊ່ວຍເຫລືອໄດ້ດຳເນີນໄປຢ່າງໜັກແໜ້ນ ແລະ ມີປະສິດທິຜົນ. ຂະນະດຽວກັນ ໃນເວທີອາຊຽນ, ສປປ ລາວ ກໍເປັນເຈົ້າການຫລາຍຂຶ້ນໃນວຽກງານການພັດທະນາຊົນນະ ບົດ ແລະ ລຶບລ້າງຄວາມທຸກຍາກອາ9ຍ ໂດຍໄດ້ຢືນຢັນເຖິງພັນທະ ແລະ ຄວາມຈິງຈັງຂອງລາວໃນການພ້ອມກັບບັນດາປະເທດອາຊຽນ ແລະ ປະຊາຄົມສາກົນແກ້ໄຂຄວາມທຸກຍາກ ແລະ ບັນລຸ MDG ໂດຍໄດ້ເປັນຈຸດປະສານງານໃນການສ້າງເຄືອຂ່າຍສິນເຊື່ອຂະໜາດນ້ອຍ ແລະ ການເງິນຈຸລະພາກອາຊຽນຮັບໃຊ້ໃຫ້ແກ່ກະສິກອນຜູ້ທຸກຍາກ.
ຄະນະພັດທະນາຊົນນະບົດ ແລະ ລຶບລ້າງຄວາມທຸກຍາກ ໃຫ້ຮູ້ວ່າ: ການພົວພັນຮ່ວມມືກັບສາກົນ ອັນພົ້ນເດັ່ນແມ່ນການຮ່ວມມືກັບ ສສ ຫວຽດນາມ ໂດຍສະເພາະພາຍຫລັງທີ່ພັກ-ລັດ ຖະບານໄດ້ມອບໂອນຄວາມຮັບຜິດ ຊອບໂຄງການຮ່ວມມືພັດທະນາຊາຍແດນ ລາວ-ຫວຽດນາມ ຢູ່ 10 ຈຸດສຸມ ມາໃຫ້ຄະນະພັດທະນາ
ຊົນນະບົດ ແລະ ລຶບລ້າງຄວາມທຸກຍາກຂັ້ນສູນກາງ (ຄພທສ) ສິ່ງດັ່ງກ່າວໄດ້ເປັນພື້ນຖານໃຫ້ແກ່ການພົວພັນຮ່ວມມືທີ່ກວ້າງຂວາງເລິກເຊິ່ງ ແລະ ໃນຊຸມປີຕໍ່ໜ້ານີ້ ຈະໄດ້ມີຄວາມພະຍາຍາມເສີມຂະຫຍາຍການຮ່ວມມື ແລະ ຍາດແຍ່ງການຊ່ວຍເຫລືອກັບ ສປ ຈີນ ໂດຍຜ່ານຄະ ນະກຳມະການຫລຸດຜ່ອນຄວາມ ທຸກຍາກສາກົນແຫ່ງປະເທດຈີນ ແລະ ກອບອາຊຽນ +3 ເຊິ່ງຕົ້ນຕໍແມ່ນການແລກປ່ຽນບົດຮຽນ ແລະ ສ້າງຂີດຄວາມສາມາດໃຫ້ພະນັກງານຂັ້ນສູນກາງ ແລະ ທ້ອງຖິ່ນ. ນອກຈາກນີ້ ການພົວ ພັນກັບ ສ.ເກົາຫລີ ກໍໄດ້ມີໜໍ່ແໜງທ່ວງທ່າຂະຫຍາຍຕົວດີ ໂດຍສະເພາະການຮ່ວມມືຜ່ານອົງການກວດກາ ແລະ ໃນກອບຂອງ “ເຊມາອຶນດົງ”. ສຳລັບມູນຄ່າການຊ່ວຍເຫລືອລ້າທີ່ ຄພທສ ໄດ້ຮັບ (ບໍ່ໜັບ ທລຍ ແລະ ໂຄງການເກັບກູ້ລະເບີດບໍ່ທັນແຕກ) ມີ 79 ຕື້ກວ່າກີບ ເທົ່າກັບ 70% ຂອງງົບປະມານລັດທີ່ຮັບຜ່ານ ຄພທສ, ໃນນັ້ນ ມີທຶນເຈລະຈາຍາດແຍ່ງເຂົ້າໃນໂຄງ ການສະເພາະທີ່ຂັ້ນເທິງຊີ້ນຳ 3 ຕື້ກີບ. ທຶນດັ່ງກ່າວແມ່ນມາຈາກປະເທດຍີ່ປຸ່ນ, ເກົາຫລີ, ມາເລເຊຍ, ສິງກະໂປ, ຮົງກົງ, ໄຕ້ຫວັນ, ສະຫະລັດອາເມລິກາ, ການາດາ, ອົດສະຕຣາລີ, ອັງກິດ ໂດຍຜ່ານອົງການສຸພານິມິດ, ອອກຟາມ, ຊາຍຟັນ, ລູເທີແລນ ແລະ ເຮວວິຕັດ. ນອກຈາກນີ້ ໃນຖານະເປັນຄະນະປະສານງານໂຄງການພັດທະນາເຂດເນີນສູງພາກເໜືອ ກໍໄດ້ຮັບທຶນຈາກສະ ຫະພາບເອີຣົບ ໂດຍຜ່ານອົງການພັດທະນາເຂດເນີນສູງພາກເໜືອ GIZ ເຢຍລະມັນ ໃຫ້ການຊ່ວຍເຫລືອລ້າ ຈຳນວນ 1,5 ຕື້ກີບ.
ຄະນະພັດທະນາຊົນນະບົດ ແລະ ລຶບລ້າງຄວາມທຸກຍາກຂັ້ນ ສູນກາງ ໃຫ້ຮູ້ວ່າ: ໜຶ່ງປີ ຜ່ານມາ ການຍາດແຍ່ງ ແລະ ຄຸ້ມຄອງຈັດຕັ້ງປະຕິບັດການຊ່ວຍເຫລືອຈາກຕ່າງປະເທດ ແມ່ນໄດ້ຕິດພັນຢ່າງສະໜິດແໜ້ນກັບການສ້າງສະຕິລະວັງຕົວ, ຄວາມຮັບຮູ້ ແລະ ຂີດຄວາມສາມາດບົນພື້ນ ຖານຈິດໃຈເປັນເຈົ້າຕົນເອງ ເພິ່ງຕົນເອງ ກຸ້ມຕົນເອງ ສ້າງຄວາມເຂັ້ມແຂງດ້ວຍຕົນເອງ, ພວກເຮົາໄດ້ມີຄວາມພະຍາຍາມ ແລະ ຜົນ ສຳເລັດໃນການຫັນກິດຈະກຳ ໂຄງການທີ່ຕ່າງປະເທດຊ່ວຍເຫລືອໄປຮັບໃຊ້ໃນການສ້າງບ້ານໃຫ້ເປັນຫົວໜ່ວຍພັດທະນາ, ສ້າງບ້ານໃຫຍ່ໃຫ້ກາຍເປັນຕົວເມືອງນ້ອຍໃນຊົນນະບົດ. ສະກັດກັ້ນ ແລະ ແກ້ໄຂປາກົດການຫຍໍ້ທໍ້ ແລະ ຂໍ້ຂັດແຍ່ງທີ່ເກີດຂຶ້ນໃນບັນ ດາໂຄງການທັນເວລາ ແລະ ມີປະສິດທິຜົນ, ຕີຖອຍຄວາມລັ່ງເລ, ຄອນແຄນ ແລະ ລະແວງສົງໄສຂອງຜູ້ໃຫ້ທຶນຕໍ່ແນວທາງນະໂຍ ບາຍຂອງພັກ ແລະ ລັດຖະບານເຮົາກ່ຽວກັບການພັດທະນາຊົນ ນະບົດ ແລະ ລຶບລ້າງຄວາມທຸກຍາກ, ສົ່ງເສີມຄວາມເຂົ້າໃຈ, ຄວາມເຊື່ອໝັ້ນ ແລະ ເພີ່ມທະວີການພົວພັນຮ່ວມມືກັບຄູ່ຮ່ວມພັດທະນາ ການເຂົ້າຫາແຫລ່ງ ທຶນ. ຜ່ານການຈັດຕັ້ງປະຕິບັດວຽກງານດັ່ງກ່າວ ນອກຈາກໄດ້ຄຸ້ມຄອງການດຳເນີນໂຄງການໃຫ້ມີປະສິດທິຜົນ ນຳເອົາຜົນປະໂຫຍດດ້ານເສດຖະກິດ-ສັງຄົມມາໃຫ້ທ້ອງຖິ່ນແລ້ວ, ສະຕິຄວາມຮັບຮູ້ ແລະ ຂີດຄວາມສາມາດຂອງຄະນະພັກ ອົງການປົກຄອງ ແລະ ປະຊາຊົນບັນດາເຜົ່າໄດ້ຮັບການຍົກສູງຂຶ້ນ. ພິເສດ, ໃນປີ ຜ່ານມາໄດ້ລະດົມການຊ່ວຍເຫລືອຈາກສັງຄົມໃນປະເທດເປັນຫລາຍກວ່າ 500 ລ້ານກີບ ເພື່ອຮັບໃຊ້ໃຫ້ການສົງເຄາະສຸກເສີນຕາມການຊີ້ນຳຂອງຂັ້ນເທິງ. ເວົ້າ ລວມແລ້ວ, ສົກປີ 2011-2012 ນີ້ ເປັນປີຂອງການສືບຕໍ່ເສີມຂະ ຫຍາຍການພົວພັນຮ່ວມມື ແລະ ຍາດແຍ່ງການຊ່ວຍເຫລືອກັບຕ່າງປະເທດໃຫ້ໜັກແໜ້ນ ແລະ ມີປະສິດທິຜົນ ກຽມພື້ນຖານໃຫ້ແກ່ການສ້າງທ່າເປັນເຈົ້າການໃນຊຸມປີຕໍ່ໜ້າ.
No comments:
Post a Comment