ວັນທີ 29 ພະຈິກ 2012 ຢູ່ສະມາຄົມນັກຂ່າວແຫ່ງປະເທດລາວ ບໍລິສັດລາວໄອທີພັດທະນາ ຈຳກັດ ໄດ້ຖະແຫຼງຂ່າວຕໍ່ສື່ມວນຊົນກ່ຽວກັບການໄດ້ຮັບລາງວັນລະດັບອາຊຽນໂດຍການເຂົ້າຮ່ວມຂອງທ່ານ ສົມສະໜຸກ ມີໄຊ ຫົວໜ້າສະມາຄົມນັກຂ່າວແຫ່ງປະເທດລາວ, ທ່ານ ສະນິດ ຊາຊາພັກດີ ຫົວໜ້າກົມແຜນການແລະການຮ່ວມມີກະຊວງໄປສະນີໂທ ລະຄົມມະນາຄົມແລະການສືສານແລະທ່ານ ທະນົງສັກ ສຸກສະວັດ ປະທານບໍລິສັດລາວໄອທີພັດທະນາຈຳກັດ. ທ່ານ ທະນົງສັກສຸກສະວັດ ກ່າວວ່າ: ໃນວັນທີ 15 ພະ ຈິກ 2012 ຜ່ານມາໃນພິທີສະເຫຼີມ ສະຫຼອງເປີດກອງປະຊຸມ ASEAN TELMIN 2012 ເຊິ່ງເປັນກອງປະຊຸມຂອງຄະນະລັດ ຖະມົນຕີອາຊ່ຽນກ່ຽວກັບວຽກງານດ້ານໂທລະຄົມ ແລະ ໄອທີ (ASEAN Telecommunications and IT Minister ່s Meeting ) ໂດຍໃນກອງປະຊຸມປະຈຳປີນີ້
ໄດ້ມີການຈັດແຂ່ງຂັນຊີງລາງວັນພິເສດຂຶ້ນມາເປັນຄັ້ງທຳອິດໂດຍໃສ່ຊື່ວ່າ ASEAN ICT Awards ເຊິ່ງເປັນລາງວັນດ້ານໄອຊີທີ ທີ່ຈະມອບໃຫ້ຫົວໜ້າດ້ານພາກສ່ວນທຸລະກິດ, ບໍລິສັດ, ໜ່ວຍງານຕ່າງໆ ທີ່ເຮັດວຽກງານດ້ານໄອຊີທີທີ່ມີຜົນງານພົ້ນເດັ່ນ ແລະ ໄດ້ຮັບການຍອມຮັບຈາກກຸ່ມສະມາຊິກອາຊຽນເພື່ອຢັ້ງຢືນ ແລະ ຍົກສູງຄຸນນະພາບ ວຽກງານໄອຊີທີຂອງອາຊຽນຂື້ນ. ໃນປີທຳອິດຂອງການແຂ່ງຂັນ ໄດ້ແບ່ງອອກເປັນ 5 ໝວດໃຫຍ່ໂດຍແຕ່ລະໝວດແມ່ນຄັດເອົາ 3 ທີມສຸດທ້າຍເຂົ້າໄປສະເໜີຜົນງານ ແລະ ຕັດສິນຜົນ ງານການມອບລາງວັນເປັນໂລຄຳ, ເງິນ ແລະ ທອງຕາມລຳວັບເຊິ່່ງ ສປປລາວ ເຮົາກໍມີສອງບໍລິສັດທ່ີສົ່ງຜົນງານທີຊື່ວາ e-corner Online Magazine ເຂົ້າຮ່ວມການແຂ່ງຂັນ ແລະ ໜຶ່ງໃນນັ້ນ ແມ່ນບໍລິສັດ ລາວໄອທີພັດທະນາ ຈຳກັດ ໄດ້ສົ່ງຜົນງານເຂົ້າຮ່ວມແຂ່ງຂັນ ແລະ ສາມາດຍາດໄດ້ ລາງວັນອັນດັບໜຶ່ງໃນໝວດ Digital Content. ຖືວ່າເປັນບາດ ກ້າວໃໝ່ທ່ີສະແດງໃຫ້ເຫັນວ່າ ວຽກງານດ້ານໄອຊີທີໃນ ສປປ ລາວ ພວມກຳລັງຂະຫຍາຍໂຕ ແລະ ມີການພັດທະນາທຽບເທົ່າ ບັນດາປະເທດຕ່າງໆໃນພູມມິ ພາກອາຊຽນ. ບໍລິສັດໄອທີພັດ ທະນາຈຳກັດເກີດຈາກຄວາມຄິດຄົນໄວໜຸ່ມກຸ່ມໜຶ່ງທີ່ສົນໃຈເລື່ອງໄອທີຈຶ່ງໄດ້ຕົກລົງຮ່ວມມືກັນ ສ້າງຕັ້ງບໍລິສັດຂື້ນມາເພື່ອໃຫ້ບໍລິການດ້ານໄອທີນັບທັງການພັດ ທະນາລະບົບໄອທີຕ່າງໆ, ເວັບ ໄຊ, ການອອກແບບ ແລະ ການ ຜະລິດສື່ຕ່າງໆພ້ອມທັງມີສູນເຝິກອົບຮົບໄລຍະສັ້ນ. ໃນໄລຍະຜ່ານ ມາ ບໍລິສັດເຄີຍສ້າງວາລະສານ ແລະ ສ້າງລາຍການໂທສະ ພາບກ່ຽວກັບໄອທີຊື່ວ່າ e-Corner ໂດຍໃນສ່ວນວາລະສານນັ້ນ e-Corner ຖືວ່າດເປັນວາລະສານ ໄອທີລາຍເດືອນສະບັບທຳທິດໃນລາວຕໍ່ມາໄດ້ຫັນມາເປັນວາລະ ສານຍຸກໃໝ່ເອີ້ນວ່າ e-Magazine ເຊິ່ງບໍ່ເຄີຍມີມາກ່ອນໃນປະເທດ ເຮົາ.
ສຳລັບລາງວັນດັ່ງກ່າວນີ້ ແມ່ນຈະໄດ້ສືບຕໍ່ຈັດການແຂ່ງ ຂັນອີກໃນທຸກໆປີຕໍ່ໄປແລະເປີດ ກວ້າງໃຫ້ທຸກບໍລິສັດ, ໜ່ວຍ ງານຕ່າງໆສົ່ງຜະລິດຕະພັນຂອງຕົນເຂົ້າແຂ່ງຂັນໄດ້ດັ່ງນັ້ນຈິ່ງ ຢາກຮຽກຮ້ອງໃຫ້ບັນດາບໍລິສັດດ້ານໄອທີໃນລາວລອງສົ່ງຜົນ ງານຂອງຕົນເຂົ້າປະກວດເພື່ອ ໃຫ້ສະມາຊິກອາຊຽນໄດ້ຮັບຮູ້ ແລະຍອມຮັບເຖິງວຽກງານໄອຊີທີໃນ ສປປ ລາວ ລວມທັງລະດັບ ສາກົນອີກຕື່ມ.
No comments:
Post a Comment